Baka taun-taun ke udah lebuh maya pegai tuai ke dulu kelia (Tr. Nabau anak Pasang; Tr. Akin anak Nyanggau) lalu datai ke di pegai Tr. Buda anak Jalak ke diatu, pengawa ke 'BAUM' bala maioh (tuai enggau biak, lelaki enggau sida ke indu) ke bisi datai pulai gawai endang sigi dipadah (ditesau) datai dalam maya "AUM BESAI NGINTU GAWAI DAYAK" ninting taun maya ujung bulan (28 tauka 29 haribulan Mei) sehari tauka dua hari, sebedau hari Gawai Dayak bermula, (1hb. Jun.) baka ke diatu. Kebuah pengawa tu diatur maya tu laban ke nganti penatai bala maioh (laki, bini, anak, uchu, chit wit) ari genap pelusok menua ke endur sida gawa ke ari jauh enggau semak ke ka mulai ke diri ke rumah panjai tu maya ngintu gawai. Endang nitih ke adat ba endor siti-siti menua, atur Gawai Dayak bisi lain (bedar) taja pan kitai sama bansa, dijangka ketegal "geological factor" ke bisi ngasuh pengawa begawai tu endak tentu ulih di gagak sama baka pengerami bukai (hari krismas, Chinese New Year tauka Hari Raya). Baka aum bukai mega, aum gawai dayak ba rumah Buda anak Jalak tu bisi komiti ke endang dipadu ngatur aum gawai diketuai ke Tuai Rumah empu. Maya aum tu meh semua tuai-tuai ke dipadu ke ngatur pengawa pengeliKUN maya Gawai Dayak dipinta bejako mansut ke penemu diri serta atur adat ke tau enggau enda tau dikerja ba hari gawai nyadi. Tusun atur pengawa bisi dipadah serta maioh bengkah main ke tau digagaq mega bisi dipejalai ke nitih ke disetuju bala maioh ba aum nya. ....besambung...
No comments:
Post a Comment
Note: only a member of this blog may post a comment.